EL CHAPO NG CEBU? Big Time Drug Pusher, nadakpan sa Buy-Bust!


#Opinyon #Opinion #GNBCnews

FOR YOUR INFORMATION. The Opinions or Editorials published in this website are reactions to News Articles published by News Media. This exercise is a manifestation that Democracy and Freedom of Expression in the Philippines exists. However, the accuracy and the authenticity of the News Articles published by News Media are of their responsibility and is subject to the governing laws of the Philippine Constitution.

‘El Chapo’ nasikop sa buy-bust

December 30, 2019

BIGTIME drug pusher nga bag-ong player ug nagtawag sa iyang kaugalingon og ‘El Chapo’ sa Cebu nadakpan sa buy-bust sa Drug Enforcement Unit (DEU) sa Labangon Police Station sa Barangay Calamba, Dakbayan sa Sugbo niadtong Dominggo sa gabii, Disyembre 29, 2019.

Ang ‘El Chapo’ maoy angga sa gikaintapang Mexican drug lord Joaquin Guzman, kinsang kinabuhi gihimoan og serye sa Netflix.

Si Police Capt. Jonathan Dela Cerna, hepe sa Labangon Police Station, nangu sa buy-bust, nisikop kang Chad Palatolon, 26, nag-abang og apartment sa dan V. Rama.

Si Palatolon nakuhaan og 180 gramos sa gituohang shabu nga dunay Dangerous Drugs Board (DDB) value nga P1.2 milyunes.

Gibutyag ni Dela Cerna nga duna silay ngan sa agawon ni Palatolon.

“Makonsidera guihapon nato nga high value target siya tungod sa kalapad sa iyang duwa. Apan bag-ong player ni kay wala man gyud ni ma-monitor namo,”matod ni Dela Cerna.

Samtang si Palatolon nagpaila usab sa iyang kaugalingon nga El Chapo ug maoy nailhan kaniya sa iyang mga kaila.

Laing tulo

Sa laing buy-bust sa Lunes sa hapon, Disyembre 30, tulo ang nasikop sa joint operation sa Labangon police, Police Drug Enforcement Unit (PDEG) Visayas, Regional Drug Enforcement Unit (RDEU) ug Regional Special Operations Group (RSOG) 7 sa Sityo Mayupay Barangay Quiot, Siyudad sa Sugbo.

Nasakmit sa buy-bust nga gipangulohan ni Police Lt. Colonel Glen Mayam ang tunga sa kilo sa gituohang shabu.

Ang labing daghang nakuhang shabu gikan kang Allan Dacuma, 31, habalhabal drayber, taga Sityo Suran, nga balor og P3.2 milyunes.

Laing nadakpan mao sila si Michael Rabadon, 26, ug Arniel Tomas, 32, pulos mga lumolupyo sa Barangay Quiot.

BBT

SOURCE/S
‘El Chapo’ nasikop sa buy-bust